Web Site တွေထဲမှာ အချက်အလက်တွေကို Chart တွေအသုံးပြုပြီး ဖေါ်ပြဖို့လိုအပ်လာပြီဆို Web Developer တွေအတွက် INTERNET ထဲမှာ Chart API တွေအများကြီးရှိပါတယ်။ ကျွန်တော်သုံးဖူးတဲ့ Chart API နှစ်ခုကတော့ သုံးရတာ တော်တော်လေး အဆင်ပြေတယ် အဲ့ဒါတွေက Google Chart နဲ့ Fusion Charts ပါဘဲ။ Google ကတော့ လုံးဝ Free သုံးလို့ရတယ် Fusion Charts ကတော့ Free နဲ့ License Version နှစ်ခုရှိပါတယ် Free ကိုက တော်တော်လေး စုံနေအောင် သုံးလို့ရပါတယ် အဲ့ဒီမှာ Google Chart ကတော့ Image Chart (Bitmap Based) ရယ် Interactive Chart (Flash Based) ဆိုပြီး နှစ်မျိုးရှိပါတယ်။ အခုကျွန်တော် ပြောချင်တာက Fusion Charts တွေ အကြောင်းပါ နောက်ပိုင်းမှာ Google Charts တွေအကြောင်း သီးသန့် ပြောကြတာပေါ့ အခုဒီ Fusion Charts တွေဟာ Flash Based Charts တွေပါ သူတို့ကို သုံးမယ်ဆို ဒီနေရာ မှာ Download လုပ်ပြီး လိုအပ်တဲ့ Documentation တွေကို ဒီနေရာ မှာကြည့်နိုင်ပါတယ်။ Fusion Charts တွေဟာ Flash Charts တွေဖြစ်တဲ့အတွက် Interactive ဖြစ်ပါတယ်။ Fusion Chart တွေရဲ့အလုပ်လုပ်ပုံက XML Data Files ကို .swf Files (Charts အမျိုးအစား အသီးသီးအတွက် ဖိုင်တစ်မျိုး တစ်မျိုး စီရှိပါတယ်) တွေနဲ့ ပေါင်းစပ်ပြီး Web Page ထဲမှာ Object Tag နဲ့လှမ်းခေါ်ပြီး အသုုံးပြုတာပါ။ Javascript နဲ့လည်း လှမ်းခေါ်အသုံးပြုနိုင်ပါတယ်။ Fusion Charts တွေကို Web Designer, Web Developer, Flash Developer, PowerPoint Slide Show စသော နယ်ပယ်တွေမှာ သုံးနိုင်အောင် ဖန်တီးထားပါတယ်။ နမူနာတွေကို ဒီနေရာ မှာလေ့လာနိုင်ပါတယ်။
ကိုစစ်ကိုင်း
ကိုစစ်ကိုင်း
0 ခုမှတ်ချက်ပေးထားတယ်။:
Post a Comment