ကွန်ပြူတာလောကမှ ဟာသများ

ကွန်ပြူတာ ကျွမ်းတဲ့သား

ဖခင်နှစ်ယောက် မိမိတို့သားများ ကွန်ပြူတာ ကျွမ်းကျင်ကြောင်း အကြွားပြိုင်နေကြရာ...

ပထမတစ်ယောက်က...

ကျုပ်သားက ကွန်ပြူတာ တအားကျွမ်းတာ ကီးဘုတ်များ ရိုက်တာ အရမ်းမြန်တာ တစ်စက္ကန့်ကို အလုံး ၅၀ ကျော်ပြီးတယ်...

ဒုတိယတစ်ယောက်ကလည်း အားကျမခံ ပြန်ပြောလိုက်တာက...

ခင်ဗျားသားက ဘယ်ဟုတ်သေးတုန်း ကျုပ်သားက ဟိုတလောက ကီးဘုတ်ပျက်သွားလို့ မောက်စ်နဲ့ စာရိုက်တာ တစ်စက္ကန့်ကို ၅၀ကျော်ရသဗျာ...ဒါတောင် မောက်စ်က ခလုတ် နှစ်ခုတည်းမို့နော် ကီးဘုတ်လို အများကြီးပါရင် စဉ်းစားသာ ကြည့်တော့...

အီး Student

ကွန်ပြူတာ သင်တန်းတစ်ခုတွင် ဆရာမှ Computer ဤ Electronic အကြောင်းသင်နေရာ...

အင်တာနက် နည်းပညာနဲ့အတူ e-Mail ဆိုတာလည်း ပေါ်လာတယ်။  အဲ့ဒီ e-Mail မှာ ရှေ့က e ဆိုတာ Electronic ဆိုတာကို ရည်ညွှန်းတယ်။  အဲ့ဒီ Electronic ကို e နဲ့ ကိုယ်စားပြုပြီး နောက်ပိုင်းမှာ e-Government တို့ e-Commerce တို့ e-Education တို့စတဲ့ အသုံးတွေ အများကြီး ထွက်လာတယ်။

ထိုစဉ် အတန်းထဲမှ ကျောင်းသားတစ်ယောက် တိတ်တိတ်လေး လေလည်ရာ တခန်းလုံး အနံ့တထောင်းထောင်းနှင့် ဟိုလူကြည့် ဒီလူကြည့်ဖြင့် တရားခံကို ရှာမတွေ့ရာ ဆရာက...

အေး အဲ့ဒါ အီး Student လို့ခေါ်တယ် ဟု ရီရီမောမော ပြောလိုက်ရာ...တခန်းလုံး ဝိုင်းရီကြလေသည်။

ဆရာက ဒီလောက်နံ့တဲ့ အီး ဘယ်ကျောင်းသားပေါက်လည်း သိချင်သောကြောင့် အတန်းဆင်းတော့ ကျောင်းသားများ ဝရုံးသုန်းကားဖြင့် ပြန်ရန် ပြင်ဆင်ပြီး အခန်းဝသို့ ထွက်နေကြစဉ်...ရုတ်တရက် လှမ်းအော်ပြီး ပြောလိုက်တာက...

ဟေ့ ခုနက အီး Student ဆရာ့စာအုပ်တွေ အခန်းထဲ လိုက်ပို့ပေးပါဦးကွာ...ဓ

ထိုစဉ်ကျောင်းသားတစ်ယောက်က...ဆရာနား  ပြေး၀င်လာပြီး...

ဟုတ်ကဲ့ ဆရာ ဘယ်အခန်းကို ပို့ပေးရမှာလည်း။

ထိုစဉ် ကျန်ကျောင်းသားများ ဝိုင်းရီကြလေသည်။

IT သမား အတင်းများ

IT သမားနှစ်ယောက် အတင်းတုပ်နေကြရာ...

ပထမတစ်ယောက် ။   ။ မင်း ဟိုစော်သိတယ်မို့လား ခင်ခက်ခက်ကလျာ မူယာကြော့လေ...

ဒုတိယတစ်ယောက်။   ။ သိတယ်လေ အဲ့စော်က Backup ကြီးနဲ့မို့လား...

ပထမတစ်ယောက် ။   ။ အေးဟုတ်တယ် အခု အရင် Version ကို Restore လုပ်ပြီး Backup ကို Delete လုပ်လိုက်တာလေ တော်တော်လည်တဲ့ စော်ကွ...

ဒုတိယတစ်ယောက်။   ။ ဟုတ်လား ဘာလို့လည်း...

ပထမတစ်ယောက် ။   ။ သူ့အရင် Version က အခု Inherience နဲ့လျှံနေတာလေ ဒါကြောင့်...

ဒုတိယတစ်ယောက်။   ။ ဟုတ်လား သူ့ Backup တောင် ဟိုတလောက တွေ့လိုက်တယ် လမ်းမှာ ဒီကောင့်ကြည့်ရတာ Burn ခံထားရတယ်နဲ့တူတယ်။

ပထမတစ်ယောက် ။   ။ ဟုတ်တယ် ဟိုတလောက ဟိုဘက်ရက်ကွက်ကကောင်တွေ Format ချပေးလိုက်တယ်ပြောတယ် ဒီကောင့်ကြည့်ရတာ Configure တွေ မမှန်တော့ဘူး။  ခုရက်ပိုင်း ဒီကောင် Hidden လုပ်နေတယ်။

တစ်ခုခု လိုနေသလားလို့

စိတ္တဇဆေးရုံတစ်ရုံတွင် မိမိကိုယ်မိမိကွန်ပြူတာဟုထင်နေသော အရူးတစ်ယောက်ကို ဝေဒနာသက်သာပြီး ဆေးရုံမှဆင်းခွင့် မပြုမှီ နောက်ဆုံးအနေနှင့် ဆရာဝန်ကြီးများက စမ်းသပ်မေးမြန်းနေရာ...

ဆရာဝန်ကြီး ။  ။ အမည်...

လူနာ ။  ။ မောင်ကျော်ပါ ခင်ဗျာ။

ဆရာဝန်ကြီး ။  ။ အရင်က ဘယ်သူနဲ့နေလည်း

လူနာ ။  ။ ကျွန်တော်မိဘများနဲ့ နေပါတယ်။

ဆရာဝန်ကြီး ။  ။ အခုလိုအချိန်မှာ စိတ်ထဲဘယ်လိုခံစားရလည်။

လူနာ ။  ။ ကျွန်တော်ပျော်ပါတယ်။  ဝမ်းလည်း ဝမ်းသာပါတယ်။  ဆရာတို့ကိုလည်း ကျေးဇူးတင်ပါတယ်။

ဆရာဝန်ကြီး ။  ။ အေးကွာ မလိုပါဘူး ငါတို့လည်း ဝမ်းသာပါတယ်။  ကဲကဲ ဒါဆို မင်းသွားနိုင်ပြီ။

လူနာ ။  ။ ဟုတ်ကဲ့ဆရာ ကျေးဇူးပါပဲ။  သွားလိုက်ပါဦးမယ်...

လူနာ အခန်းထဲမှ ထွက်သွားပြီး...ခဏအကြာ အခန်းထဲပြန်ဝင်လာပြီး ဆရာဝန်ကြီးကို လှမ်းမေးလိုက်တာက...

လူနာ ။  ။ ဆရာ ကျွန်တော်ကို Install လုပ်တုန်းက Configuration တစ်ခုခုလိုမယ်ထင်တယ် ကျွန်တော် အိမ်ရဲ့  Address ကိုကျွန်တော် Missing ဖြစ်နေလို့...

မသိပါဘူး

Programmer အလုပ်အင်တာဗျူးတစ်ခုတွင်...

မေးသူ။     ။ မင်း...Pascal ကိုသိလား...

ဖြေသူ။     ။ မသိပါဘူး

မေးသူ။     ။ ဒါဆို Microsoft ရဲ့ နောက်ဆုံးပေါ်  Programming Language ကဘာလည်း။

ဖြေသူ။     ။ မသိပါဘူး

မေးသူ။     ။ Database ဆိုတာဘာလည်း ရှင်းပြစမ်းပါ။

ဖြေသူ။     ။ မသိပါဘူး

မေးသူ။     ။ Javascript ကောသိလား။

ဖြေသူ။     ။ မသိပါဘူး

မေးသူ။     ။ HTML ရဲ့နာမည်အရှည်ကဘာလည်းကွာ ဒါဆို။

ဖြေသူ။     ။ မသိပါဘူး

(မေးတဲ့သူက စိတ်တိုလာပြီး...)

မေးသူ။     ။ မင်း မသိဘူးလို့ဖြေတာ ဘယ်နှစ်ကြိမ်ရှိပြီလည်း။

ဖြေသူ။     ။ မသိပါဘူး။

ကိုစစ်ကိုင်း