ကွန်ပြူတာလောကမှ ဟာသများ

ဘယ်သွားနေတာလည်း
ရုံးတစ်ရုံးတွင် Mail Server Down သွားရာ GM က စိတ်ဆိုးပြီး Server Admin ကိုခေါ်ပြီးမေးရာ...
GM        ။ Mail ပို့လို့မရ‌တော့ဘူး မင်းတို့ IT ဋ္ဌာနမှာ ဘာ‌တွေဖြစ်ကုန်တာလည်း အရေးကြီးပါတယ်ဆိုမှ။
Server Admin    ။ Mail Server Down သွားလို့ပါ အခု Reset လုပ်ထားပါတယ်။
GM        ။ ဒါဆို အခုဘာလို့ ပို့လို့မရတာလည်း။
Server Admin    ။ Server မတက်‌ သေးလို့ပါ။
GM        ။ ဟေ့! အရေးကြီးနေပါတယ်ဆိုမှ Server ကမတက်ရအောင် ဒီကောင်က ဘယ်သွားနေတာလည်းကွ။

iPad
ပထမလူ။        ။ အခု iPad ကတော်တော်အသုံးဝင်တယ်‌နော်။  ငါတော့အရမ်း ကြိုက်သွားပြီ။
ဒုတိယလူ။        ။ အေးကွာ... ငါလည်း iPad သုံးချင်တယ် ပိုက်ဆံစုပြီး iPad ဝယ်ဦးမယ်။
ထိုစဉ် အနီးအနားမှ ဦး‌လေးကြီးတစ်ယောက်က လှမ်းပြောလိုက်တာက...
ဦး‌လေးကြီး။    ။ မင်းတို့‌ခေတ်က ပိုက်ဆံအတော်ကုန်တဲ့ ခေတ်ပဲကွာ ဘယ်နယ့် အိုင်ပက်ဖို့တောင် ပိုက်ဆံ‌တွေဘာတွေ စုပြီးမှ ပက်ရတယ်လို့...

ကွယ်ထား
Gtalk ‌ထဲတွင် Invisible mode နှင့် Chat နေသော လူတစ်ယောက်က သူ့သူငယ်ချင်းတစ်‌ယောက်ကို Gtalk မှ လှမ်းပြီး ပြောလိုက်တာက...
ဟေ့ကောင် ငါမင်းနဲ့ Chat တာ တခြားမင်း Gtalk ထဲကကောင်တွေ မမြင်စေနဲ့နော်...

ပေါက်ကရတွေ
Software Developer နှစ်ယောက် စကားပြောနေကြရာ...
ပထမလူ    ။ မင်း နီကိုလိုင် သိတယ်မို့လား?
ဒုတိယလူ    ။ သိတယ်လေ ဘာလို့လည်း။
ပထမလူ    ။ ဒီကောင် Google ရဲ့ ဂျီတော့ခ်ကို ယှဉ်ပြိုင်ဖို့ သမင်တော့ခ် တီထွင်နေတယ် ပြောတယ်...
ဒုတိယလူ    ။ ဒါတင် ဘယ်ဟုတ်မလည်း အရင်က Google ရဲ့ ဆားအင်ဂျင်ကို ပြိုင်ဖို့ လုပ်သေးတယ် သွေးတိုးရှိလို့ ဆက်မလုပ်ဖြစ်တာ...

Widget အနေနှင့် ထည့်ပေးလိုက်တယ်
စိတ္တဇ ဆေးရုံတစ်ရုံတွင် Web Developer အရူးများက ဆေးရုံထဲရှိ အခြား အရူးများအား တစ်ယောက်ခြင်းစီ ဖမ်းချုပ်ပြီး အဝတ်များကို ဆူပါမင်းကဲ့သို့ လည်ပင်းတွင် စီးစေကာ ဝရံတာမှ အပြင်သို့ တစ်ယောက်ခြင်းစီ တွန်းချနေကြရာ တာဝန်ကျ ဆရာဝန်ရောက်လာပြီး ဝရုံးသုန်းကားဖြစ်နေသော လူနာများကို လှမ်းေပြာရာ...
"ဟေ့ ဟေ့ တော်ကြတော့ အကုန်ဒုက္ခရောက် ကုန်တော့မှာပဲ တာဝန်ကျ သူနာပြုတွေ ဘယ်ရောက် ကုန်ကြပြီလဲဟေ့..."
ထိုစဉ် ဘေးနားမှ Web Developer အရူးတစ်ယောက်က ပြန်ေပြာလိုက်တာက...
"သူတို့တွေ ပထမဆုံး လွှင့်တင်တဲ့ Website မှာ Widget တွေ အနေနှင့် ထည့်ပေးလိုက်တာလေ....ဟီးးး ဟီးးး"

ကိုစစ်ကိုင်း